Geskiedenis : Genl Constand Viljoen
 

CURRICULUM VITAE
GENERAAL C.L. VILJOEN (CONSTAND)
  1. Constand Laubscher Viljoen is gebore op 28 Oktober 1933. Ontvang laerskoolonderrig by die Perdekop Laerskool, en voltooi hoërskoolonderrig aan die Hoërskool Standerton in 1951.
  2. Hy sluit aan by die Suid-Afrikaanse Weermag, en behaal die graad B.Sc (B.Mil) by die Universiteit van Pretoria in 1955. Vanaf 1956 dien hy as ‘n artillerie-offisier in die Suid-Afrikaanse Leër.
  3. Generaal Viljoen trou in 1957 met Christina Heckroodt van Jacobsdal. Die egpaar het vier seuns en ‘n dogter.
  4. Generaal Viljoen se bevorderings het soos volg verloop:

    1954: Tweede Luitenant 1968: Kolonel
    1956: Luitenant 1971: Brigadier
    1959: Kaptein 1974: Generaal-Majoor
    1961: Majoor 1976: Luitenant-Generaal
    1965: Kommandant 1980: Generaal
  5. In 1977 het Generaal Viljoen die Hoof van die Suid-Afrikaanse Leër geword, en in 1980 die Hoof van die Suid-Afrikaanse Weermag.
  6. In 1985 tree Generaal Viljoen af met pensioen, om voltyds te gaan boer. Op sy plaas in die Ohrigstad-distrik in Mpumalanga, boer hy met beeste en paprika.
  7. Generaal Viljoen het toegetree tot die politieke arena, toe hy saam met drie ander Generaals in 1993 gehelp het met die stigting van die Afrikaner Volksfront.
  8. Politieke verwikkelinge in Suid-Afrika het daartoe gelei dat Generaal Viljoen die Vryheidsfront gestig het, en aan die April 1994 verkiesing deelgeneem het. In die verkiesing het die Vryheidsfront 640 000 stemme op hom verenig, wat aan die Party 9 verteenwoordigers in die Parlement, en ook 5 senatore in die Senaat besorg het.
  9. In 2001 tree genl. Viljoen uit as leier van die Vryheidsfront. Hy boer tans voltyds op sy plaas in die Ohrigstad-distrik en is ‘n direkteur van Krygkor se raad.
  
<< terug